يا ريت نعرف أصل كل حاجه بنقولها (منقووووووول)

السبب فى انى كتبت الرسالة ده ان كان فى زميل في حوار مع زميلة انجليزية...

وهو يحكي لنا....


وبعدين باقول لها : الشغل هادى النهارده....
قالت لى : تاتش وود..امسك الخشب يعنى..
وطبعا العبارة دى هم بيرددوها كتير زينا..
بس هى سألتنى: انتم عندكم اكيد بتقولوا حاجه بدلها...
قلت لها: لأ..بنقولها هى هى...
قالت لى : بتقولوا امسك الخشب برضه ؟
قلت لها: آه...
قالت: المسلمين بيقولوا (امسك الخشب)؟؟؟؟ معقوله؟؟؟؟
استغربت انها مستغربة أوى كده...
قالت لى: أصل الخشب ده المقصود بيه الصليب..خشب الصليب...

كانت أول مرة اعرف المعلومة دى فحبيت انقلها لكم لو ماكنتوش عارفينها..وبرجاء نشرها..علشان اللى مش عارف يعرف..بدل ما إحنا طول النهار عماليين نغنى:

امسكوا الخشب يا حبايب..امسكوا الخشب....
لأحسن نتحسد يا حبايب...امسكوا الخشب...


ويا ريت نعرف أصل كل حاجه بنقولها...بدل ما إحنا كده بنردد تراث الغير وياريت نقول ' اللهم بارك أو ماشاء الله ولا قوة إلا بالله

مشكوور على التوضيح لكن حبيت اوضح ان بعض الحركات والكلمات قد يكون اصلها متدينة بديانة غير الاسلاميه لكنها اصبحت عاده تردد على السنة عامة الناس لكن ليس بنيتهم ان يتعاملوا في اي شيء بغير ديانة الاسلام وكما قال الرسول صلى الله عليه وسلم انما الاعمال بالنيات وانما لكل امرء ما نوى وكما قال صلى الله عليه وسلم الدين يسر.
لكن توضيحك مفيد للجميع ومشكووور على المشاركة

يعطيك العافية
انا اول مرة اعرف معنى العبارة

وفعلا الاعمال بالنيات وان شاء الله اللي ماعنده علم بمعناها ربنا يغفر له جهله

اكيد طبعا الاعمال بالنيات
وشكرا على مروركم يا جماعه ودعمكم